Ukraina bo‘ylab navbatdagi zarbalar va Baxmut atrofidagi yaradorlar. Urush suratlari

Ukrainadagi urushning 445-kuni o‘tdi. Asosiy ma’lumotlar:

Volodimir Zelenskiy 14 may kuni Germaniya va Fransiyaga tashrif buyurdi. 15 may kuni ukrainlar yetakchisi Londonga bordi va Buyuk Britaniya bosh vaziri Rishi Sunak bilan uchrashdi.
The Washinghton Post maxfiylashtirilgan hujjatlarga tayanib, Ukraina prezidenti «Drujba» neft tashish quvurini portlatish va RF hududidagi aholi yashash manzillarini egallab olish imkoniyatini muhokama qilgani haqida yozdi. Zelenskiy buni «shunchaki fantastika» deb atadi.
«Katta yettilik» va Yevroittifoq Rossiya gazi quvurlar orqali Polsha va Germaniyaga olib kelishiga taqiq qo‘yishni rejalashtirmoqda. Rossiya bu yo‘nalishlarda tashuvni 2022 yilda to‘xtatib qo‘ygan, ammo bu hali rasman taqiqlanmagan.
RF mudofaa vazirligi Donetsk oblastining Baxmut shahri atrofidagi janglarda ikki polkovnigi halok bo‘lgani haqida e’lon qildi.
Ukraina QK havo kuchlari rasmiysi Yuriy Ignat Bryansk oblastida RF mudofaa vazirligi vertolyotlari va samolyotlari halokatga uchrashi «Rossiya havo hujumidan mudofaa tizimlari ishi» ekanini aytdi. Keyin aniqlik kiritib, bu hazil bo‘lganini aytdi. «Vagner» XHK asoschisi Yevgeniy Prigojin ham halokatga Rossiya havo hujumidan mudofaa kuchlari aloqadorligiga ishora qildi.
Volodimir Zelenskiy Germaniyada Buyuk Karl mukofotini topshirish marosimi vaqtida Belarus muxolifati yetakchisi Svetlana Tixanovskaya bilan uchrashdi va ular qo‘l siqib ko‘rishishdi.
Norvegiyaning The Barens Observer nashri yozishicha, Rossiya Shvetsiya va Finlandiya chegarasidagi Kola yarimoroliga strategik bombardimonchilarini joylashtirgan.

Ukraina shaharlari o‘qqa tutilishi

Ukraina QK bosh shtabi ma’lumotiga ko‘ra, 14 may kuni Rossiya qo‘shini Ukraina aholi yashash manzillari bo‘ylab 11 ta raketa zarbalari, shuningdek, 41 ta aviatsiya zarbasi yo‘llagan. Raketa zarbalari Xarkiv, Ternopil va Konstantinovka bo‘ylab yo‘llangan. Rossiya harbiylari Ukraina QK pozitsiyalari va aholi yashash punktlariga baravar o‘t ochish reaktiv tizimlaridan 74 bor o‘t ochgan. Otishmalar oqibatida tinch aholi vakillari jabrlangan, xususiy uylar va boshqa fuqarolik infrutazilmalari vayron bo‘lgan yoki shikastlangan.