Rossiya Federatsiyasi bosh vaziri o‘rinbosari Aleksey Overchuk Tojikiston hozircha Yevrosiyo iqtisodiy ittifoqiga (YeOI) qo‘shilish istagida emasligi aytdi. Overchuk bu haqda Peterburg xalqaro iqtisodiy forumi (PMEF-2023) doirasida RIA «Novosti» agentligiga bergan intervyusida aytib o‘tdi.
Foto: Getty Images
Rasmiyning qayd etishicha, Rossiya tomoni hali bu borada Dushanbedan hech qanday signal olmagan.
«Bu ularning qarori bo‘lishi kerak. Ular buni qanday qabul qilishlari - butunlay ularning o‘ziga tegishli masala», dedi u.
Overchukning so‘zlariga ko‘ra, Rossiya Tojikistonga ittifoqning iqtisodiy makoniga integratsiyalashuv qanday foyda keltirishini tushuntirishga harakat qilmoqda.
«Bu to‘siqsiz savdo, yagona bojxona maydoni va yagona mehnat bozori masalalariga taalluqlidir», — dedi bosh vazir o‘rinbosari.
