Prezident maxsus vakili Yevropa Konfliktologiya markazi maslahatchisi bilan muzokaralar o‘tkazdi

TIV ma’lumotiga ko‘ra, suhbat chog‘ida Afg‘onistondagi bugungi vaziyat, dunyo davlatlarining ushbu mamlakatni iqtisodiy jihatdan tiklash, afg‘on xalqiga humanitar va boshqa yordamlar ko‘rsatish borasidagi sa’y-harakatlari muhokama qilindi.

Yevropa tomoni O‘zbekiston tomonining Afg‘onistonning yangi hukumatiga nisbatan hamda mamlakatni ijtimoiy-iqtisodiy tiklashdagi dolzarb muammolarni hal etish yuzasidan birlashgan mintaqaviy pozitsiyani ishlab chiqish borasidagi qo‘ygan pragmatik qadamlarini baholadi.

Patrik de Vri Yevropa davlatlarining O‘zbekiston bilan Afg‘oniston yo‘nalishida kelishilgan harakatlari muhimligini alohida ta’kidladi.