O‘zbekiston va Eron Afg‘oniston yo‘nalishidagi hamkorlikni muhokama qildi

O‘zbekiston prezidentining Afg‘oniston bo‘yicha maxsus vakili Ismatulla Ergashev Eron tashqi ishlar vaziri yordamchisi - Janubiy Osiyo bo‘yicha departamenti direktori Muhammad Rizo Bahromiy bilan uchrashdi.

TIV ma’lumotiga ko‘ra, muloqot chog‘ida Afg‘oniston yo‘nalishidagi ikki tomonlama hamkorlikning dolzarb masalalari, mintaqaviy barqarorlik va xavfsizlik mavzulari muhokama qilindi.

Tomonlar O‘zbekiston va Eron o‘rtasidagi muntazam va konstruktiv muloqotni davom ettirishdan o‘zaro manfaatdor ekanini tasdiqladi hamda ikki va ko‘p tomonlama formatlarda muntazam maslahatlashuvlarni davom ettirishga kelishib oldi.