Fransiyaning «Lans» klubi yangi mavsumga tayyorgarlik doirasida Germaniyada o‘rtoqlik o‘yini o‘tkazadi.
29 iyul kuniga belgilangan «Volfsburg»ga qarshi uchrashuv uchun «Lans» tarkibi e’lon qilindi. Quvonarlisi, lansliklar bosh murabbiyi Frank Ez Bundesliga jamoasiga qarshi o‘yinga Abduqodir Husanovni ham kiritgan. O‘zbekistonlik himoyachi ushbu o‘yinda jamoasi safida norasmiy debyutini o‘tkazishi mumkin.
Eslatib o‘tamiz, O‘zbekiston milliy jamoasining 19 yoshli a’zosi dushanba kuni Fransiya klubi bilan shartnoma imzolagan edi.
Ma’lumot uchun, «Volfsburg» - «Lans» o‘yini 29 iyul kuni soat 18:00 Volfsburgdagi «AOK Stadion» o‘yingohida bo‘lib o‘tadi.
