O‘zbekiston prezidentining maxsus vakili va Buyuk Britaniyaning Afg‘onistondagi muvaqqat ishlar vakili hamkorlik masalalarini muhokama qildi.
Foto: Dunyo
O‘zbekiston prezidentining Afg‘oniston bo‘yicha maxsus vakili Ismatulla Ergashev va Buyuk Britaniyaning Afg‘onistondagi muvaqqat ishlar vakili Robert Chatterton Dikson o‘rtasida video-konferens-aloqa shaklida uchrashuv bo‘lib o‘tdi.
TIV ma’lumotiga ko‘ra, suhbat chog‘ida Afg‘onistondagi joriy vaziyat, shuningdek, O‘zbekiston va Buyuk Britaniyaning ushbu mamlakatga humanitar va boshqa turdagi yordamlar ko‘rsatish borasidagi sa’y-harakatlari muhokama qilindi.
Robert Chatterton Dikson O‘zbekistonning Afg‘onistonda uzoq muddatli va barqaror tinchlik o‘rnatish, mamlakatda turli infratuzilma loyihalarini amalga oshirishdagi muhim o‘rnini ta’kidladi.
