O‘zbekiston va Yaponiya mehnat migratsiyasi sohasida hamkorlikni rivojlantiradi.
Tashqi mehnat migratsiyasi agentligida Takarazuka tibbiyot va sog‘liqni saqlash universiteti rektori Nakamura Junichi bilan uchrashuv o‘tkazildi.
Agentlik xabariga ko‘ra, unda ushbu oliy ta’lim muassasasi filialini O‘zbekistonda ochish va kelgusida bitiruvchilarni Yaponiyaga ishga jo‘natishni yo‘lga qo‘yish masalalari muhokama qilindi.
Ma’lumot uchun, ayni paytda mazkur universitetda 105 nafar o‘zbekistonlik talabalar tahsil olmoqda. Ularning bandligini ta’minlashda yordam ko‘rsatadigan yapon kompaniyalari bilan hamkorlik o‘rnatilgan.