AQSh O‘zbekistondan odam olib kirishga uringan kontrabandachilarni ushladi 

AQSh O‘zbekistondan Amerikaga odamlarni noqonuniy olib kirishga uringan kontrabandachilar guruhini qo‘lga oldi.  

Oq uyning ma’lum qilishicha, ushbu tarmoq azolaridan kamida bir nafari xorijiy terrorchilik tashkilotiga aloqador. 

Milliy xavfsizlik kengashi bayonotida aytilishicha, AQSh rasmiylari kontrabanda tarmog‘idan foydalangan O‘zbekiston fuqarolari terrorchilar bilan aloqada bo‘lgan yoki teraktni rejalashtirgan deb hisoblamaydi. 

Bayonotda xorij terrorchi tashkilotining nomi aniq ko‘rsatilmagan, biroq AQSh rasmiysi Associated Press nashriga bu IShID ekanini aytgan. 

Ta’kidlanishicha, Qo‘shma Shtatlar tarmoqning asosiy a’zolarini, jumladan, xorijiy terrorchilar bilan aloqador shaxsni qo‘lga olish uchun boshqa davlatlar hukumatlari bilan hamkorlik qilgan.