Qochqinlar uchun shelter va sharqdagi front chizig‘iga kelgan Zelenskiy. Urush suratlari

Ukrainada urushning 587-kuni o‘tdi. Asosiy ma’lumotlar:

Rossiya qo‘shini «elastik mudofaa» taktikasini qo‘llay boshlagan, deb xabar bermoqda The New York Times. Avvaliga ular chekinib, Ukraina qurolli kuchlariga ular qoldirgan pozitsiyalarni egallashga imkon berishadi, keyin esa ukrain kuchlari kutmagan mahalda hujum qilishadi.
Krasnoyarsk o‘lkasida «Vagner» XHKning sobiq yollanma jangchisi Denis Stepanov ikki ayol — 68 yoshli ona va uning 35 yoshli qizini o‘ldirishda gumonlanib qo‘lga olindi. Tergov ma’lumotlariga ko‘ra, u ayollarning Yermakovskoye posyolkasidagi uyiga qasddan o‘t qo‘yib yuborgan.
«Vajniye istorii» okkupatsiya ostidagi Melitopol shahrida rossiyalik harbiylar qo‘lga olingan tinch aholi vakillarini qiynoqqa soladigan beshta manzil haqida xabar berdi.
Associated Press ma’lumotiga ko‘ra, Pentagon AQSh kongressiga amerikalik harbiylarda Ukrainani qo‘llab-quvvatlash uchun pul tugayotgani haqida ogohlantiruvchi maktub yo‘llagan.

Zaporijjyada qochqinlar uchun shelter