Rossiya elchisi Samarqandda RF bosh konsulligi qachon ochilishini aytdi

Oktyabr oyi boshida Moskvada bo‘lib o‘tgan muzokaralar yakunlari bo‘yicha Shavkat Mirziyoyev va Vladimir Putin har tomonlama strategik sheriklik va ittifoqchilik munosabatlarini chuqurlashtirish to‘g‘risida qo‘shma bayonot qabul qildi. Davlat rahbarlari ishtirokida ikki davlat hukumatlari va vazirliklari tomonidan qabul qilingan 10 ta hujjat almashildi, jumladan, Rossiya Federatsiyasining Samarqand shahrida bosh konsulligini tashkil etish to‘g‘risidagi kelishuvga erishildi.

«So‘nggi paytlarda Samarqandda ko‘plab muhim tadbirlar bo‘lib o‘tmoqda: ham Rossiya-O‘zbekiston, ham xalqaro tashkilotlar – ShHT va MDH doirasida. Shahar nafaqat respublikaning siyosiy platformasiga aylandi, balki uning madaniy va sayyohlik poytaxti hisoblanadi. 2023 yilda Rossiyadan O‘zbekistonga sayyohlar oqimi deyarli ikki baravar ko‘paydi», — dedi rossiyalik diplomat. 

Uning so‘zlariga ko‘ra, bu omillarning uyg‘unlashuvi mintaqadagi Rossiya fuqarolariga konsullik yordamini yanada jadallashtirishni talab qiladi. 

«Shu nuqtai nazardan, Samarqand shahrida Rossiya Federatsiyasining bosh konsulligini ochish bo‘yicha mamlakatlarimiz o‘rtasida erishilgan kelishuv Rossiya va O‘zbekiston o‘rtasidagi izchil kengayib borayotgan hamkorlikning muhim bosqichidir. Bu yo‘lda birinchi va eng muhim qadam qo‘yildi, me’yoriy-huquqiy baza mavjud, endi iqtisodiy va ma’muriy qism qoldi: tegishli bino izlash, xodimlarni yollash va hokazo. Albatta, bu jarayonda o‘zbekistonlik hamkasblarimizdan, respublika rahbariyatidan, shahar hokimligidan yaqin kelajakda Rossiyaning yangi instituti eshiklarini ochish bo‘yicha yordam berilishiga umid qilamiz», - deya xulosa qildi elchi.