Amaliy tashrif bilan mamlakatda bo‘lib turgan Koreya Respublikasi atrof-muhit vaziri Xan Xva Jin O‘zbekiston ekologiya vaziri o‘rinbosari Jusipbek Kazbekov bilan uchrashuv o‘tkazdi.
Foto: Dunyo AA
Ekologiya vazirligi ma’lumotiga ko‘ra, muzokaralar chog‘ida ikki tomonlama hamkorlikni yanada rivojlantirish va kengaytirish istiqbollari, bioxilma-xillikni saqlash, chiqindilarni qayta ishlash va Orol dengizining qurigan tubini tiklash masalalari ko‘rib chiqildi.
Xan Xva Jin iqlim o‘zgarishi yo‘nalishida magistraturada o‘qishga va ekologiya sohasida qisqa muddatli kurslarda Janubiy Koreyada ta’lim olishga imkoniyat borligini ta’kidlab o‘tdi.
Uchrashuv yakunida Jusipbek Kazbekov Xan Xva Jinni Samarqandda bo‘lib o‘tadigan uchta xalqaro anjuman - BMTning Cho‘llanish bo‘yicha maxsus sessiyasi (CRIK21), Yovvoyi hayvonlarning ko‘chib yuruvchi turlari bo‘yicha tomonlar konferensiyasi (COP14) va Iqlim o‘zgarishi forumiga taklif etdi.
