Germaniya Ramzan Qodirovni tanqid qilgan chechenistonlikka boshpana taqdim etdi
2015 yilda Muhammad Abdurahmonov Checheniston hududini tark etgan. Bir necha yil davomida u Germaniyadan boshpana olish huquqi uchun kurashgan va ikki marta rad javobi olgan.
Germaniya Checheniston rahbari Ramzan Qodirovning tanqidchisi va chechenistonlik muxolifatchi bloger Tumso Abdurahmonovning ukasi Muhammad Abdurahmonovga siyosiy boshpana berdi. Bu haqda Muhammadning o‘zi 3 noyabr, juma kuni YouTube-kanalida ma’lum qildi.
2023 yil avgust oyi oxirida Myunxendagi Oliy yer sud Valid Dadaqoyevni Germaniyada Muhammad Abdurahmonovga suiqasd uyushtirishda aybdor deb topib, 10 yilga ozodlikdan mahrum qildi. Sudga raislik qilgan sudya Kristof Visnerning aytishicha, qotillik Checheniston rahbari Ramzan Qodirovning «xabardorligi, roziligi va manfaatlari»dan kelib chiqqan holda tayyorlangan.
Muhammad Abdurahmonovning Germaniyadan boshpana so‘rashi
Muhammad Abdurahmonov ham akasi Tumso singari 2015 yilda Checheniston hududini tark etishga majbur bo‘lgan. U bir necha yil Germaniyadan boshpana olish uchun kurashdi. Talab ikki marta rad etilgan. Buning o‘rniga Muhammad keyinchalik sudda muvaffaqiyatli e’tiroz bildira olgan DW maqolasini qayta joylashtirgani uchun ma’muriy jazoga tortildi.
Faqat 2021 yilda Migratsiya va qochqinlar bo‘yicha federal idora (BAMF) sud qarori bilan Muhammad Abdurahmonov va uning oilasining boshpana so‘rab bergan takroriy arizasini qayta ko‘rib chiqishni boshladi. Ammo unga suiqasd uyushtirish rejalari aniqlanib, jinoiy ish ochilganidan so‘ng, qaror hukm e’lon qilinmaguncha qoldirildi.
Mavzuga oid
09:39 / 28.09.2024
Germaniyada Rossiya targ‘ibot telekanallari efiri bloklandi
23:13 / 27.09.2024
Shimoliy koreyalik hakerlar Germaniyadagi qurolsozlik kompaniyasiga hujum uyushtirdi
11:40 / 27.09.2024
Pistorius: Germaniya RFni Yevropada tiyib turish ustuniga aylanishga tayyor
10:40 / 27.09.2024