OChL. «Paxtakor» «Al-Fayha»ga yirik hisobda mag‘lub bo‘lib, guruhda 3-o‘rinda qolib ketdi

O‘zbekistonning amaldagi chempionini g‘alabadan boshqa natija qanoatlantirmas, qolaversa, «Persepolis»ning «Ad-Duhayl» bilan o‘yinda ochko yo‘qotishini kutishi kerak edi. Hojimat Erkinov 10-daqiqada hisobni ochgach, Maksim Shatskix shogirdlarining guruhdan chiqa olishiga umid paydo bo‘lgandi – 1:0.

Ammo bo‘lim yakunida Sakala hisobni tenglashtirgan bo‘lsa, ikkinchi bo‘limda Saudiya klubi yana uchta gol kiritib, Toshkentda mezbon jamoani yirik hisobda mag‘lub etdi – 1:4.

Shu tariqa, «Paxtakor» Saudiya Arabistoni chempionatida 9-o‘rinda borayotgan jamoaga mag‘lub bo‘ldi va A guruhida 7 ochko bilan 3-o‘rinni egallab, turnirdagi ishtirokini to‘xtatdi. Musobaqaning nimchorakfinal bosqichida «Nasaf» va «Navbahor» O‘zbekiston sharafini himoya qiladi.

OChL. «A» guruhi. 6-tur

«Paxtakor» – «Al-Fayha» - 1:4
Bosh hakam: Ahmad Abu Bakar (Ummon)
Gollar: Hojimat Erkinov 10 – Sakala 40, 90+4, Sulton Mandash 46, Onekuru 85.

«Paxtakor»: 36.Pavel Pavlyuchenko, 2.Behruz Asqarov, 4.Doston Tursunov, 8.Azizbek Turg‘unboyev, 10.Dragan Cheran, 11.Po‘latxo‘ja Xoldorxonov, 20.Hojimat Erkinov, 28.Diyor Xolmatov, 34.Farrux Sayfiyev, 55.Muhammadrasul Abdumajidov, 77.Dilshod Saitov.

Zaxira: 35.Sanjar Quvvatov, 6.Muhammadali O‘rinboyev, 12.Sunnatilla Poyonov, 18.Saidumarxon Saidnurullayev, 31.Muhammadali Usmonov, 40.Kimi Merk, 49.Dilshod Abdullayev, 60.Islom Anvarov.

«Al-Fayha»: 28.Ahmad Al Kassar, 8.Abdulrahmon As-Safari, 12.Yusuf Haqavi (11.Holid Kaabi 77), 17.Feshn Sakala, 22.Muhammad Al Baqavi, 23.Milan Pavkov (7.Genri Onekuru, 58), 27.Sulton Mandash, 29.Navaf Al Harti, 33.Husayn Al Shuvaysh, 70.Abdulrahmon Al Anzi (6.Saud Zaydan 58), 80.Usama Al Halaf.

Guruhdagi yakuniy vaziyat: