Ular fuqaroning uyida turgan Damasni otvyortka yordamida o‘t oldirib, olib qochishgan.
Urgut tumanidagi Qayroqli mahallasida joylashgan 118-maktabning 8- va 11-sinf o‘quvchilari bo‘lgan ikki o‘smir shu tumanda yashovchi fuqaroning uyidan Damas mashinasini olib chiqib ketgan.
Viloyat IIB YHXB axborot xizmatining xabar berishicha, hodisa 2024 yil 6 yanvar kuni tunda sodir bo‘lgan.
Urgut tuman IIB va YHXB xodimlari tomonidan olib borilgan tezkor qidiruv harakatlari davomida mashina tumanning Mergancha mahallasidan davlat raqamlari yechib olingan holda topilgan.
O‘quvchilar mashinani olib qochgandan so‘ng unga gaz quyish uchun tumandagi “metan zapravka”ga borishgan va u yerdagi kuzatuv kameralariga tushib qolishgan.
Qayd etilishicha, holat yuzasidan mashina olib qochgan o‘smirlarga nisbatan Urgut tumani IIB tergov bo‘limi tomonidan Jinoyat kodeksining 267-moddasi 1-qismi bilan jinoyat ishi qo‘zg‘atilgan.
