O‘zbekiston elchixonasi diplomatlari Malayziyaning avtomobil ishlab chiqaruvchi yirik Proton (Perusahaan Otomobil Nasional Sdn Bhd-Proton) kompaniyasi zavodi faoliyati bilan tanishdi.
Tashrif davomida kompaniyaning ijrochi direktori o‘rinbosari Roslan Abdulla boshchiligidagi korxona mutaxassislari bilan muzokaralar o‘tkazildi.
Xorij tomoni Malayziya kompaniyasi va «O‘zavtosanoat» o‘rtasida mamlakatda avtomobillar ishlab chiqarish bo‘yicha amalga oshirilishi rejalashtirilayotgan qo‘shma investitsiya loyihasi bo‘yicha taqdimotini o‘tkazdi.
Taqdimot doirasida tomonlar mazkur loyihaning joriy holati va uni amalga oshirish muddatlari bo‘yicha fikr almashdi.