Qoʻshimcha funksionallar
-
Tungi ko‘rinish
Qozog‘iston orqali harakatlanayotgan o‘zbekistonliklar ogohlikka chaqirildi
Tashqi mehnat migratsiyasi agentligi Qozog‘istonda bo‘lib turgan va tranzit yo‘nalishida harakatlanayotgan O‘zbekiston fuqarolariga ogohlantirish bilan chiqdi.
Foto: Tashqi mehnat migratsiyasi agentligi
Qayd etilishicha, so‘nggi kunlarda Qozog‘iston hududlarida ob-havoning keskin sovishi natijasida yo‘llarda harakatlanish bilan bog‘liq qator noqulayliklar yuzaga kelmoqda. Shuningdek, yaqin haftalar davomida ham sovuq havo harorati saqlanib qolishi sababli respublika darajasidagi avtoyo‘llarda harakatlanish cheklangan.
21 yanvar kuni noqulay ob-havo sabab respublika ahamiyatiga ega 10 ta avtomobil yo‘lida, transport vositalari harakati cheklandi.
Agentlik shu munosabat bilan ushbu davlatda bo‘lib turgan O‘zbekiston fuqarolaridan yo‘llarda harakatlanishda barcha xavfsizlik qoidalariga qat’iy rioya qilishga, xavfsiz transport vositalaridan foydalanishga chaqirib, zarurat bo‘lmaganda uzoq masofali yo‘llarda transport vositalarida harakatlanmaslikni so‘ragan.
