O‘zbekiston mis mahsulotlarini AQSh va Meksikaga eksport qilishni boshladi

Mis mahsulotlari AQSh va Meksikaga eksport qilina boshladi.

O‘zA xabariga ko‘ra, Olmaliq kon-metallurgiya kombinati tomonidan yanvar-fevral holati bo‘yicha deyarli 82 mln dollarlik mahsulotlar eksporti amalga oshirilib, prognoz 101,3 foizga bajarilgan.

Mahsulotlar kesimida tahlil qilinsa, 7,3 ming tonna mis mahsulotlari, 4,6 ming tonna rux, 132 tonna molibden mahsulotlari va boshqa turdagi mahsulotlar xorijlik iste’molchilarga yuborildi.

Mahsulotlar 20 dan ortiq davlatlarga eksport qilinmoqda. Yildan yil mahsulotlar eksport geografiyasi kengaymoqda. Jumladan, 2023 yilda mis mahsulotlari eksportida yangi bozorlar – AQSh, Meksika va Finlandiya kabi davlatlar o‘zlashtirildi.

#eksport #mis