Bir oyda energiya resurslaridan noqonuniy foydalanish bilan bog‘liq 600 ta ish rasmiylashtirildi

O‘zbekistonda bir oyda energiya resurslaridan foydalanishda qoidalarini buzish bilan bog‘liq 600 ta ma’muriy ish rasmiylashtirildi.

Foto: O‘zenergoinspeksiya

Energetika vazirligi huzuridagi “O‘zenergoinspeksiya” tomonidan elektr energiyasi va tabiiy gazdan foydalanishda qonun-qoidalarga rioya etilishi yuzasidan doimiy nazorat tadbirlari o‘tkazilib kelinmoqda.

Joriy yilning aprel oyida iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarlik bo‘yicha 600 ta ma’muriy ish rasmiylashtirildi.

Xususan, o‘tkazilgan nazorat tadbirlarida aniqlangan holatlarning 354 tasi elektr energiyasi, 246 tasi esa tabiiy gazdan foydalanishda qoidabuzarlikka yo‘l qo‘yilgani ma’lum bo‘ldi.