Qirg‘iziston O‘zbekistonga 2,5 mln litr benzin yetkazdi 

2024 yil yanvar-mart oylarida Qirg‘iziston boshqa mamlakatlarga 2 million 941,2 ming litr avtomobil benzini yetkazib berdi. Bunday ma’lumotlar Milliy statistika qo‘mitasi hisobotida keltirilgan. 

Qirg‘izistondan eksport qilingan benzin qiymati 1,3 million dollarni tashkil etgani qayd etilgan. 

Shundan O‘zbekistonga 1,1 million dollarga 2 million 557,2 ming litr, Afg‘onistonga 212,2 ming dollarga 384 ming litr benzin yetkazilgan. 

Qirg‘iziston 2023 yil yanvar-mart oylariga nisbatan yoqilg‘i-moylash materiallari eksportini 764 ming litrga yoki 35 foizga oshirgan.