O‘zbekiston tashqi savdo aylanmasidagi top-10 davlat ma’lum qilindi

2024 yilning yanvar-aprel oylarida O‘zbekiston tashqi savdo aylanmasida yuqori ulushga ega bo‘lgan hamkor davlatlar orasida Xitoy birinchi o‘rinni egalladi – 3,9 mlrd dollar. 

Statistika agentligining dastlabki ma’lumotlariga ko‘ra, undan keyingi o‘rinlardan tashqi savdo aylanmasida ulushi mos ravishda 3,8 mlrd dollar va 1,2 mlrd dollar bo‘lgan Rossiya hamda Qozog‘iston joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega:

• Turkiya – 920,2 mln;
• Koreya – 695 mln;
• Fransiya – 386,4 mln;
• Germaniya – 345 mln;
• Afg‘oniston – 308,6 mln;
• Turkmaniston – 288,5 mln;
• Hindiston – 270,3 mln.