Saudiya janubiy-sharqiy hududlarida ishlayotgan o‘zbekistonlik shifokorlar soni aytildi

O‘zbekiston elchisi Nodir Turg‘unov Saudiya Arabistonida tibbiyot sohasida ishlayotgan bir guruh vatandoshlar bilan uchrashdi, deb xabar qilmoqda "Dunyo".

Muloqot chog‘ida Saudiyaning janubiy-sharqiy hududlarida salkam 20 nafar turli yo‘nalishlarda ixtisoslashgan o‘zbekistonlik shifokorlar ishlayotgani ma’lum qilindi. Mahalliy aholi o‘rtasida o‘zbek shifokorlariga talab yuqori. Shuningdek, tibbiyot sohasida o‘zaro manfaatli hamkorlik uchun keng imkoniyatlar borligi ta’kidlandi.

Uchrashuv davomida, shuningdek, O‘zbekistonda tibbiyot sohasi vakillarini tayyorlash bo‘yicha yo‘lga qo‘yilgan samarali tizim va ta’lim to‘lovlarining nisbatan arzonligini inobatga olgan holda mamlakatdagi ta’lim muassasalariga Saudiya Arabistoni yoshlarini jalb qilish imkoniyatlari xususida ham fikr almashildi.