O‘zbekistonlik paravelosportchilar Osiyo chempionatida 1-o‘rinni egalladi

Qozog‘istonning Olmaota shahrida paravelosportning shosse yo‘nalishi bo‘yicha Osiyo chempionati bo‘lib o‘tdi. Unda o‘zbekistonliklar umumjamoa hisobida 1-o‘rinni egalladi.

Terma jamoa chempionat doirasida 10 ta oltin, 3 ta kumush va 6 ta bronza, jami 19 ta medal oldi. Musobaqada Tailand ikkinchi, mezbon Qozog‘iston esa uchinchi o‘rinni egalladi.

Medalchilar

erkaklar:

• Bunyodbek Haytmahammadov (C1) oltin;
• G‘olibbek Mirzayorov (C2) oltin;
• Og‘abek Huderganov (C3) oltin;
• Azimbek Abdullayev (C5) oltin;
• Aziz Ataxo‘jayev (T1) oltin;
• Baxodir Odinayev (T2) oltin;
• To‘lqin Ravshanov (T2) kumush;
• Saidjabbor Dadaxonov (T1) bronza;
• Boymurod Yavqochev (C5) bronza;
• Abrorbek Ibrayimov (C4) bronza;
• Azizxo‘ja Olimxo‘jayev (C2) bronza;
• Muhammed ali Jo‘limbetov (C3) bronza.

Ayollar:

• Azizaxon Qosimova (C3) oltin;
• Kamola Nurillayeva (C4) oltin;
• Laziza Usmonova (T1) oltin;
• Odina Hamdamova (T2) oltin;
• Fotima Soipova (T1) kumush;
• Zarifa Mo‘minova (T2) kumush;
• Fotimaxon Haydarova (T2) bronza.