Qoʻshimcha funksionallar
-
Tungi ko‘rinish
Malayziya O‘zbekiston bilan "yashil" energiya sohasidagi hamkorlikka qiziqish bildirmoqda
O‘zbekiston elchisi Karomiddin Gadoyev Malayziyaning Hextar Global kompaniyasi qarorgohiga tashrif buyurdi va kompaniya rahbari Ervan bin Taxir bilan uchrashuv o‘tkazdi.
Foto: "Dunyo" AA
"Dunyo" xabariga ko‘ra, muloqot davomida Hextar Group kompaniyalar guruhi va Hextar Global kompaniyasi bilan o‘zaro hamkorlikni qilish masalalari muhokama qilindi.
Ervan Taxir kompaniyaning boshqa mamlakatlarda qo‘shma loyihalarni amalga oshirish orqali biznes ko‘lamini yanada kengaytirish rejalari bilan o‘rtoqlashdi. Kompaniya vakili O‘zbekistonda davlat xususiy sherikchilik asosida loyihalarni amalga oshirishda ishtirok etish, jumladan gidroelektr va shamol elektr stansiyalari kabi qayta tiklanuvchi energiya hamda telekommunikatsiya sohalaridagi loyihalarga xususiy sherik sifatida sarmoya kiritish takliflarini ko‘rib chiqishga tayyorligini bildirdi.
Uchrashuvda Hextar Group kompaniyalar guruhi tomonidan "O‘zkimyosanoat" AJ bilan kimyo sanoati hamda Energetika vazirligi bilan "yashil energiya" sohalarida hamkorlik qilish imkoniyatlarini o‘rganib chiqish va kompaniya vakillarining O‘zbekistonga tashrifini tashkil etishga kelishildi.
Mavzuga oid
11:41 / 02.01.2025
Kishinyovda yangi yil chiroqlari energiya inqirozi tufayli o‘chirildi
21:30 / 30.12.2024
Telegram Malayziyada litsenziya olish uchun ariza berdi
08:20 / 21.12.2024
Qoraqalpog‘istonda energiya resurslaridan noqonuniy foydalanish holatlari fosh etildi
19:09 / 20.12.2024