WP: Maxfiy xizmat Trampning xavfsizligini kuchaytirishdan bosh tortgan
Maxfiy xizmat matbuot kotibi Entoni Gulelmi AQSh sobiq prezidenti Donald Trampning xavfsizligini ta’minlash uchun qo‘shimcha mablag‘ bo‘yicha so‘rovlar rad etilganini tan oldi.
![](https://storage.kun.uz/source/10/2Ktkhw4cHJ6ZEDkPVXzzmstshncXMB5Z.jpg)
Foto: Getty images
AQSh Maxfiy xizmati sobiq prezident Donald Tramp xavfsizligini ta’minlash uchun qo‘shimcha mablag‘ bo‘yicha so‘rovlarni uzoq vaqt rad etib kelgan. Bu haqda The Washington Post (WP) to‘rt manbaga tayanib xabar berdi.
Maxfiy xizmat vakili Entoni Gulelmi xizmat Tramp xavfsizligini mustahkamlash uchun qo‘shimcha mablag‘ ajratishdan bosh tortganini tan oldi. Shu bilan birga, matbuot kotibi ta’kidlashicha, rad etilgan so‘rovlar sobiq prezident hayotiga suiqasd qilingan miting bilan bevosita bog‘liq emas.
Maxfiy xizmatda resurslar yetishmagan
WP ma’lumotlariga ko‘ra, «sobiq prezidentni himoya qilish vazifasi yuklatilgan xodimlar Tramp ishtirok etgan sport tadbirlari va boshqa ommaviy yig‘inlarga tashrif buyuruvchilarni tekshirish uchun magnitometrlar va qo‘shimcha xodimlar, shuningdek, boshqa ochiq havoda o‘tkaziladigan tadbirlarda qo‘shimcha snayperlar va mutaxassislar guruhlarini so‘ragan». Maxfiy xizmat rahbariyati bu so‘rovlar qondirilishidan bosh tortishni resurslarning yetishmasligi bilan bog‘lagan.
Trampning maslahatchilari AQSh yuqori martabali amaldorlarini himoya qilish uchun mas’ul bo‘lgan xizmat «sobiq prezidentni himoya qilishda yetarlicha harakat qilmayotganidan» bir necha bor noroziligini bildirgan. «Tramp maslahatchilarining g‘azabi oshdi, chunki xizmat xodimi Tramp tomonidan qo‘shimcha xavfsizlik choralari haqidagi har qanday so‘rovlar rad etilganini ochiqchasiga tan olmadi», deyiladi materialda. Keyinchalik AQSh Maxfiy xizmati ba’zi so‘rovlar rad etilgan bo‘lishi mumkinligini istisno etmadi.
Tramp shtabi bayonotga izoh berishdan bosh tortdi
Trump shtabi Gulelmi bayonotiga izoh berishdan bosh tortdi, lekin yana bir bor sobiq prezidentning xabarini eslatib o‘tdi, u Maxfiy xizmat va boshqa huquq-tartibot idoralariga qilgan ishlari uchun minnatdorchilik bildirgandi. Bugungi kunda Maxfiy xizmat 20 dan ortiq kishining xavfsizligi uchun mas’ul bo‘lib, ular aksariyati doimiy himoyaga muhtoj. WP manbasiga ko‘ra, agentlikning resurslari cheklangan. 2010 yildan boshlab kadrlar taqchilligi kuzatildi va ishga qabul qilishda cheklovlar joriy etildi.
Donald Trampga suiqasd
13 iyul kuni 20 yoshli Tomas Metyu Kruks AQSh sobiq prezidenti Donald Trampning Pensilvaniya shtati Batler shahrida saylovoldi tashviqoti mitingidagi chiqishi vaqtida unga qarata o‘q uzdi. O‘q siyosatchi qulog‘ining tepa qismiga tegdi.
Otishma natijasida 50 yoshli erkak halok bo‘ldi, yana ikki qatnashchi yaralandi. Ularning ahvoli barqaror, deb xabar berdi shtat politsiyasi. Hujum qilgan shaxs xavfsizlik kuchlari tomonidan otib o‘ldirilgan.
Mavzuga oid
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Tramp Ukrainadagi urushni qanday tugatishni rejalashtirayotganini aytdi
![](https://storage.kun.uz/source/thumbnails/_medium/10/FS39V_Awb957qf9qNDI8GYqq7DxtXxOR_medium.jpg)
20:53 / 06.09.2024
Toshkent metropolitenida metall detektorlar o‘rnatiladi
![](https://storage.kun.uz/source/thumbnails/_medium/10/q5yQ4mY8pCKn1uVPS16OY3JjquJYfu4w_medium.jpg)
19:21 / 06.09.2024
Mikrofon navbatma-navbat o‘chiriladi – Tramp va Harris teledebat qoidalarini kelishib oldi
![](https://storage.kun.uz/source/thumbnails/_medium/10/tD-InW9o7n2DKTfAk0WXYytbzq4iIOa6_medium.jpg)
15:05 / 04.09.2024