BAA va Fransiya yetakchilari Yaqin Sharqdagi keskinlikni muhokama qildi

Telefon muloqoti chog‘ida prezidentlar «barcha tomonlarni maksimal darajada vazminlikka va keskinlikni kamaytirishga» chaqirdi.

BAA prezidenti Muhammad bin Zoid Al Nahayon Fransiya prezidenti Emmanuel Makron bilan Tehronda HAMAS siyosiy byurosi raisi Ismoil Haniyaning o‘ldirilishi tufayli Isroil va Eron o‘rtasida ziddiyat kuchayishi natijasida yuzaga kelgan Yaqin Sharqdagi vaziyatni muhokama qildi.

WAM ma’lumotlariga ko‘ra, telefon orqali muloqot chog‘ida yetakchilar «mintaqaviy va xalqaro voqealar, xususan, Yaqin Sharqdagi keskinlik, G‘azo sektoridagi gumanitar inqiroz va bu yo‘nalishda olib borilayotgan sa’y-harakatlarni» muhokama qilgan.

Al Nahayon va Makron «barcha tomonlarni mintaqa tinchligi va barqarorligiga tahdid soluvchi keyingi inqirozlardan himoya qilish uchun maksimal darajada vazminlikka va keskinlikni kamaytirishga» chaqirdi.

Suhbatda, shuningdek, «G‘azo sektorida zudlik bilan va o‘t ochishni doimiy to‘xtatish bo‘yicha sa’y-harakatlarni kuchaytirish, keng qamrovli, adolatli va mustahkam ikki davlat tinchligiga erishish uchun aniq yo‘lni topishga harakat qilish zarurligi» ta’kidlandi.

#BAA #Fransiya

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.