Qoʻshimcha funksionallar
-
Tungi ko‘rinish
«Krokus Siti Xoll»dagi teraktda ayblangan tojikistonliklarning hibsda qolish muddati uzaytirildi
Sud ularni 2024 yil 22 noyabrga qadar hibsda qoldirdi, tergov harakatlari davom etmoqda.
Foto: Telegram / moscowcours
16 avgust kuni Moskvaning Basmanniy sudi «Krokus Siti Xoll»dagi teraktda ayblanayotgan Tojikistonning to‘rt nafar fuqarosini hibsda saqlash muddatini tergov organlari talabiga binoan uzaytirdi.
Mahkama yopiq eshiklar ortida o‘tdi. Tergov organlarining iltimosiga binoan Muhammadsobir Fayzov, Dalerjon Mirzoyev, Murodali Rajabalizoda va Fariduni Shamsiddin yana uch oyga — 2024 yil 22 noyabrga qadar hibsda qoladigan bo‘ldi. Ushbu tojikistonliklar teraktning bevosita ijrochilari sifatida gumonlanmoqda.
Moskva yaqinidagi «Krokus Siti Xoll» konsert zaliga hujum joriy yilning 22 mart kuni sodir bo‘ldi. To‘rt nafar qurolli shaxs konsertga kelgan odamlarga qarata o‘q uzdi, zalga o‘t qo‘ydi, so‘ng binoni tark etib, mashinada qochib ketdi. Oqibatda 144 kishi halok bo‘ldi, bir necha yuz kishi jarohatlandi.
Ushbu hujum zamonaviy Rossiya tarixidagi eng yirik teraktlardan biriga aylandi. Terakt uchun javobgarlikni «Viloyati Xuroson» terrorchilik tashkiloti o‘z zimmasiga oldi. Rossiya huquq-tartibot idoralari hujumni sodir etishda va uyushtirishda yordam berishda gumon qilingan 18 kishini qo‘lga oldi, ularning aksariyati Tojikiston fuqarolaridir.
Mavzuga oid
00:30
Rossiya FVV urush davrida murdalarni tezkor ko‘mishga oid qo‘llanma ishlab chiqdi
20:09 / 02.11.2024
Rossiya iqlim isishi tufayli Arktikadagi orolini yo‘qotdi
18:17 / 02.11.2024
«Qaytarib oling fuqarolikni» - Rossiyada o‘zbekistonlik migrant Migratsiya bo‘limida hujjatlarini otib yubordi
17:12 / 02.11.2024