«Tolibon» Afg‘onistonni xavfsiz mamlakat deb e’lon qildi

40 yil ichida birinchi marta mamlakat aholisi o‘z hayoti uchun qo‘rqmasdan turli viloyatlarga sayohat qilishi mumkinligi ta’kidlanmoqda.

Foto: Reuters

2023 yil aprelidan 2024 yil martigacha Afg‘onistonda jinoyatchilik darajasi 30 foizga kamaydi. 40 yil ichida birinchi marta mamlakat aholisi o‘z hayoti uchun qo‘rqmasdan turli viloyatlarga sayohat qilishi mumkin. Bu haqda Afg‘oniston Ichki ishlar vazirligi ma’lum qildi, deb xabar berdi Ariananews.

«Tolibon» Ichki ishlar vazirligining qayd qilishicha, politsiyaning mahorati sezilarli darajada oshdi va ularning soni ortdi. Shu bilan birga, qo‘shni davlatlar Afg‘onistondan kelayotgan tahdidlar haqida dalillar keltirmadi, shu sababli mamlakat bu borada xavfsiz.

Departamentning ta’kidlashicha, uning hududida IShID tuzilmalari butunlay yo‘q qilindi, terrorchilik guruhi faoliyatiga barham berildi.

Bundan tashqari, xavfsizlik kuchlari narkotik savdogarlariga qarshi kurashmoqda. Ko‘knori ekilgan maydonlar yo‘q qilinib, giyohvandlar davolanishga jo‘natilmoqda, noqonuniy giyohvand moddalarni sotgan holda qo‘lga olinganlar javobgarlikka tortilyapti.

Mamlakat aeroportlarida qariyb 2 million dollar, 845 ming yevro, 4,8 million Saudiya riyoli, shuningdek, 344 kilogramm narkotik modda va bir kilogrammdan ortiq oltinni noqonuniy olib o‘tilishiga barham berildi.