Rossiyadagi omborda o‘zbekistonlik ishchi halok bo‘ldi

U tasodifan tigel pressga tushib ketgani ta’kidlanmoqda.

Foto: RIA Novosti

Sankt-Peterburgning Pervomayskiy tumanidagi omborda o‘zbekistonlik ishchi tigel press ichiga kirib ketdi. Bu haqda 78.ru xabar berdi.

Baxtsiz hodisa 6 sentabr kuni sodir bo‘lgan. O‘zbekistonlik 26 yoshli ishchi tasodifan tigel pressga tushib ketib, halok bo‘lgan. Uning ismi-sharifi xabarda keltirilmagan.

Qayd qilinishicha, jabrlanuvchini qutqarib qolishning imkoni bo‘lmadi, hodisa sabablari aniqlanmoqda, jinoyat ishi qo‘zg‘atish masalasi hal qilinmoqda. Ishchi migratsiya organlarida ro‘yxatdan o‘tmagani va rasman ishga joylashmagani ta’kidlanmoqda.