Toshkent viloyatidan yana 14 ta mahalla qisman Yangi Toshkent hududiga o‘tkazilmoqda

Davlat kadastrlari palatasi Toshkent viloyati boshqarmasi Yangi Toshkent hududiga qisman o‘tkazilayotgan mahallalar bo‘yicha ma’lumot berdi.

Qayd etilishicha, Yuqori Chirchiq tumanidan qisman 11 ta mahalla, O‘rta Chirchiq tumanidan esa qisman 3 ta mahalla Yangi Toshkent hududiga o‘tkazilmoqda.

Yuqori Chirchiq tumanida:

«Istiqlol», «Gulobod», «Navro‘z», «Qorasuv», «Oq ovul», «Jumabozor», «Nurli yo‘l», «Farovon», «Yangi hayot», «Saxovat» va «Qizilsoy» MFY.

O‘rta Chirchiq tumanida: «Mustaqillik», «Yangi Turmush» va «Mash’al» MFY.