Qoʻshimcha funksionallar
-
Tungi ko‘rinish
Guterrish Putin bilan uchrashuvda Qora dengizda kemalar harakati muhimligini qayd etdi
Qozondagi BRIKS sammiti doirasida BMT bosh kotibi Antoniu Guterrish Rossiya prezidenti Vladimir Putin bilan uchrashdi.
Foto: AP
BMT bosh kotibi Antoniu Guterrish va Rossiya prezidenti Vladimir Putin Qozondagi BRIKS sammiti doirasida ikki tomonlama uchrashuv o‘tkazdi.
Jahon tashkiloti matbuot xizmati xabariga ko‘ra, uchrashuv chog‘ida Guterrish Ukraina masalasi bo‘yicha yana bir bor o‘z pozitsiyasini bildirib, Ukrainaning bosib olinishi BMT Nizomi va xalqaro huquq normalarini buzayotganini ta’kidlagan.
Hisobotda aytilishicha, Guterrish Qora dengizda kemalar harakati erkinligi muhim ahamiyatga ega ekanligini qayd etgan.
«Bosh kotib ushbu masala bo‘yicha muzokaralar davom etishini to‘liq qo‘llab-quvvatlaydi va Turkiyaga chuqur minnatdorchilik bildiradi», — deyiladi bayonotda.
Tomonlar, shuningdek, Yaqin Sharqdagi vaziyatni muhokama qilib, G‘azo va Livanda o‘t ochishni to‘xtatishga erishish va mintaqada keskinlikning yanada kuchayishiga yo‘l qo‘ymaslik zarurligiga e’tibor qaratdilar.
Mavzuga oid
15:30
BMT: urush G‘azoning rivojlanishini 70 yil orqaga surdi
11:50
BMT: 2023 yilda mojarolarda halok bo‘lgan tinch aholi orasida ayollar ulushi ikki baravar ko‘paydi
11:00
BMT xalqaro hamjamiyatni Livanda o‘t ochishni to‘xtatishga faolroq intilishga chaqirdi
22:15 / 25.10.2024