Qoʻshimcha funksionallar
-
Tungi ko‘rinish
Erdo‘g‘an kurdlarni «Turkiya asrini» birgalikda qurishga chaqirdi
U, shuningdek, kurdlarga «sionist Isroil» tarafdorlaridan voz kechishni tavsiya qildi.
Foto: TRT Haber
Turkiya va kurdlar umumiy kelajakni birgalikda qurishi kerak, dedi Turkiya yetakchisi Rajab Toyyib Erdo‘g‘an. Uning so‘zlarini TRT Haber nashri keltirdi.
«Aziz kurd birodarlarim, sizdan cho‘zilgan qo‘limizni chin dildan va mahkam ushlab turishingizni kutamiz […] keling, Turkiya asrini birga quraylik», dedi prezident.
U, shuningdek, kurdlarni «sionist Isroil» tarafdorlaridan voz kechishga chaqirdi.
Turkiyada 85 milliondan ortiq aholi istiqomat qiladi. Ba’zi manbalarga ko‘ra, ularning taxminan 25 foizini kurdlar tashkil qiladi.
Turkiyada mahalliy hukumat va mustaqil kurd davlatini yaratish tarafdori bo‘lgan Kurdiston ishchilar partiyasi (KIP) o‘rtasida uzoq vaqtdan beri qurolli ziddiyat mavjud.
Oktyabr oyi boshida Anqaradagi samolyot zavodida terakt sodir etilgan edi. Turkiya ichki ishlar vaziri Ali Yerliqoya hodisada KIP a’zolarini aybladi. Shundan so‘ng Turkiya havo kuchlari Iroq va Suriyadagi 32 ta KIP nishonini yo‘q qildi.
Mavzuga oid
16:56
Turkiyaga me’yordan ortiq tamaki mahsulotlarini olib kirgan o‘zbekistonliklar qamoqqa olinmoqda
23:12 / 19.11.2024
Isroilning keyingi nishoni Turkiyami?
11:40 / 19.11.2024
Turkiyada qarindoshi tomonidan fohishalikka majburlangan qiz O‘zbekistonga qaytarildi
17:29 / 18.11.2024