Rossiyada dollar yil boshidan beri birinchi marta 100 rubldan oshdi

Rossiya Markaziy Banki 20 noyabr kuni AQSh dollarining rasmiy kursini 100,03 rubl, yevroni 105,73 rubl va yuanni 13,77 rubl etib belgiladi. RBK xabariga ko‘ra, AQSh dollarining rasmiy kursi 2023 yil 10 oktyabrdan beri birinchi marta 100 rubldan oshdi.

Ilgari RBK tomonidan so‘rov o‘tkazgan tahlilchilar valuta kursiga ta’sir etuvchi asosiy omillar sifatida quyidagilarni aniqladilar:

- yuan likvidligining yetishmasligi. Banklararo bozorda yuanning mavjudligi bilan bog‘liq vaziyatning yomonlashishi rubl kursiga bosim o‘tkazadi, buning oqibatida u yanada zaiflashishi mumkin;

- neft narxi va eksport daromadlarining barqaror oqimi. Brent neftining narxi bir barrel uchun 70-80 dollar bo‘lishi rubl kursi uchun neytral-qulay bo‘ladi;

- boshqa omillar. Importchilarning transchegaraviy to‘lovlar bilan bog‘liq qiyinchiliklari tufayli kapitalning chiqib ketishi, Rossiyaga xorijiy investitsiyalarning qisqarishi, ichki talab hajmi, import hajmi va ularning narxi.