Qoʻshimcha funksionallar
-
Tungi ko‘rinish
Bojxona postidan 9 oylik chaqalog‘ining kiyimlariga dori yashirib o‘tmoqchi bo‘lgan ayol ushlandi
Ayol avvalroq ham shu usulda dori olib kirishga uringanda to‘xtatib qolingan. Hozirda holat yuzasidan bojxona tekshiruvlari davom ettirilmoqda.
Foto: Videodan kadr
Toshkent viloyati Toshkent tumanidagi chegara bojxona posti orqali 9 oylik chaqalog‘i kiyimlarida turli dorilar olib kirgan ayol ushlandi. Bu haqda Bojxona qo‘mitasi matbuot xizmati xabar bermoqda.
Ma’lum qilinishicha, avvalroq Toshkent viloyatida joylashgan “G‘ishtko‘prik” chegara bojxona postidan o‘tayotgan shaxs qo‘lidagi chaqalog‘ining kiyimlari orasiga 32 dona “Anaferon” dori vositasini yashirib olib o‘tishga uringan vaqtda to‘xtatib qolingan va ma’muriy javobgarlikka tortilgan.
Oradan bir oy o‘tib u yana shu usulda – 9 oylik chaqalog‘ining boshdan oyoq kiyimlari orasiga 21 dona “Avamis” dori vositasini yashirib olib kirishga uringan vaqtida to‘xtatib qolingan.
Qayd etilishicha, hozirda holat yuzasidan bojxona tekshiruvlari davom ettirilmoqda.
Mavzuga oid
14:34 / 01.12.2025
Toshkentda 800 dan ortiq kuchli ta’sir qiluvchi dori vositalarini noqonuniy saqlagan fuqaro ushlandi
14:45 / 28.11.2025
Farg‘onada 1,5 mlrd so‘mlik hujjatsiz dori savdosi fosh etildi
11:47 / 19.11.2025
Toshkentda saqlash qoidalariga rioya etilmagan dori vositalari fosh etildi
21:30 / 15.11.2025