Rossiya aviakompaniyalariga tegishli ikkita samolyot dvigateli parvoz vaqtida ishdan chiqdi
Sharm-ash-Shayxdan Yekaterinburgga uchayotgan Airbus A321neo’ning chap dvigateli 4,5 ming metr balandlikda ishdan chiqqani bois ortga qaytishga majbur bo‘lgan. Volgograd - Yekaterinburg yo‘nalishi bo‘yicha uchgan Boeing 737ʼda ham shu kabi muammo kuzatilgan.

Foto: RIA Novosti
Rossiya aviakompaniyalariga tegishli ikkita samolyot parvoz vaqtida dvigateli ishdan chiqqani bois o‘zlari uchgan aeroportlarga qaytishga majbur bo‘ldi, deb xabar bermoqda The Moscow Times.
Qayd etilishicha, birinchi holat «Uralskiye avialinii» aviakompaniyasining Sharm-ash-Shayxdan Yekaterinburgga uchayotgan Airbus A321neo samolyoti bilan sodir bo‘lgan. 4,5 ming metr balandlikda havo kemasining chap dvigateli ishdan chiqqan. Ekipaj nosozlik to‘g‘risida dispetcherga xabar bergan va uchish aeroportiga qaytish bo‘yicha qaror qabul qilgan.
Ikkinchi holat Volgograd — Yekaterinburg reysi bo‘yicha uchayotgan NordStar aviakompaniyasining Boeing 737 samolyoti bilan sodir bo‘lgan. 11,3 ming metr balandlikda ushbu samolyotning ham chap dvigateli ishdan chiqqan. Ekipaj Volgograddagi Gumrak aeroportiga qaytgan.
Har ikkala aviakompaniya matbuot xizmatlariga ko‘ra, havo kemalari texnik ko‘rik va holatga baho berish uchun parvozdan chetlatilgan.
Ukrainaga qarshi urush boshlangunga qadar Rossiya aviaparkida 1031 ta samolyot bor edi — ularning uchdan ikki qismini Boeing va Airbus kompaniyalarining havo kemalari tashkil etgan. Ammo AQSh va YeI ushbu samolyotlarga xizmat ko‘rsatishni, shuningdek, yangi laynerlar yetkazib berishni taqiqlab qo‘ygan. 2023 yilda Rossiya hukumati yashirin ravishda aviakompaniyalarga samolyotlar «kannibalizatsiyasi» — bir samolyotdagi soz ehtiyot qismlarni boshqasiga ko‘chirib o‘tkazishga ruxsat bergan.
Dekabr boshlarida Rossiyaning eng yirik aviatashuvchisi — «Aeroflot» kompaniyasi «Volga-Dnepr» guruhidan beshta Boeing 737-800BCF yuk tashuvchi samolyotini sotib olishni rejalashtirayotgani ma’lum bo‘lgandi. Kompaniya G‘arb tomonidan joriy etilgan sanksiyalar tufayli butlovchi qismlar kirib kelmayotgani bois ushbu samolyotlarning ehtiyot qismlaridan foydalanishni reja qilgan.
Tavsiya etamiz
AQSh va Xitoy o‘rtasidagi bojxona urushi: kim yutadi?
Jahon | 12:46 / 17.04.2025
Yaponiyadan Italiyagacha – pulli yo‘llar haqidagi taassurotlar
Jahon | 21:50 / 16.04.2025
Turkiyaga aldov yo‘li bilan chaqirilgan voyaga yetmagan o‘zbekistonlik qiz vatanga qaytarildi
Jamiyat | 17:05 / 16.04.2025
Go‘sht narxi oshishi: qo‘shni mamlakatlarda vaziyat qanday?
Iqtisodiyot | 20:36 / 15.04.2025
So‘nggi yangiliklar
-
Ispaniya qurilish va qishloq xo‘jaligi sohalariga o‘zbekistonlik mutaxassislarni jalb etadi
O‘zbekiston | 11:49
-
Remontada «Old Trafford»da bo‘ldi. «MYu» 7 daqiqada uchta gol urib yarimfinalga chiqdi
Sport | 11:41
-
Gurjiston chet elliklarni chiqarib yuborish tartibini soddalashtiradi
Jahon | 11:39
-
Harvard Growth Lab: Besh yil ichida O‘zbekiston iqtisodiy murakkablik reytingida 25 pog‘onaga ko‘tarildi
Iqtisodiyot | 11:09
Mavzuga oid

09:06
«Sumi uchun qasos»: Ukrainaning Shuya va Kurskka zarbalari haqida

23:09 / 17.04.2025
Rossiya bosqinni faollashtirdi, Tramp jamoasida qutblanish – tahlilchilar nima deydi?

21:41 / 17.04.2025
Chexiya Rossiya neftiga qaramlikdan qutulganini e’lon qildi

20:43 / 17.04.2025