Bryusselda pensiya islohotiga qarshi norozilik namoyishlari bo‘lib o‘tdi
30 mingga yaqin odam qatnashgan namoyishlar davomida o‘t o‘chiruvchilar va politsiya xodimlari o‘rtasida to‘qnashuv yuz berdi. Huquq-tartibot organi vakillari ularga qarshi ko‘zni yoshlantiruvchi gazni qo‘llagan.

Foto: Reuters
Bryusselda 30 mingga yaqin odam kasaba uyushmalari chaqirig‘i bilan pensiya islohotiga qarshi namoyishlarga chiqdi, deb xabar bermoqda RTBF telekanali.
Aksiya Belgiyada islohotlarga qarshi bo‘lgan va yagona frontga birlashgan turli kasaba uyushma tashkilotlari chaqirig‘i bilan o‘tkazilgan. Namoyishchilar orasida tarqatilgan varaqalarda ta’kidlanishicha, hukumatning davlat budjetini to‘g‘rilash maqsadida rejalashtirilgan 3 milliard yevrolik iqtisodi uchun ishchilar to‘lashi kerak bo‘ladi.
Kasaba uyushmalari ish tashlashlarga chaqirmoqda. 13 yanvar kungi ish tashlashlar transport hamda jamoat xizmati sohasida — chiqindilarni yig‘ish, pochta jo‘natmalarini yetkazish, bog‘cha va ta’lim maktablari faoliyatida uzilishlarga olib keldi.
Norozilik namoyishlari Zaventem va Sharlerua xalqaro aeroportlari, temiryo‘l qatnovlari ishiga ham ta’sir ko‘rsatgan.
RTBF’ning qayd etishicha, ish tashlashlar kasaba uyushmalarining hukumatga bosim ko‘rsatish bo‘yicha norozilik tadbirlarining bir qismi hisoblanadi. 2024 yil iyun oyidagi parlament saylovlarida g‘alaba qozongan partiya hozirga qadar koalitsion hukumatni shakllantirish bo‘yicha muzokaralar olib bormoqda, mamlakatni esa saylovlarda yutqazgan Aleksandr De Krooning «texnik kabineti» boshqaryapti.
Namoyishlar davomida kolonna tarkibida harakatlangan o‘t o‘chiruvchilar tartibni saqlashga mas’ul bo‘lgan politsiyachilar bilan ziddiyatga borgan. Janjal oqibatida ularning to‘rt nafari yengil jarohat olgan. Politsiya ko‘zni yoshlantiruvchi gazdan foydalanishga majbur bo‘lgan.
Mavzuga oid

00:40 / 03.02.2025
Gurjistonda namoyishga chiqqan o‘nlab muxolifat vakillari hibsga olindi

11:24 / 16.01.2025
Gurjistonda hukumatga qarshi keng ko‘lamli ish tashlash davom etmoqda

20:37 / 11.01.2025
Mo‘g‘ulistonda hukumatga qarshi norozilik namoyishlari boshlandi

18:42 / 20.12.2024