Husanov «Manchester Siti»da 45-raqamda o‘ynaydi. Uning Begiristayn bilan rasmi tarqaldi

«Manchester Siti» klubi Abduqodir Husanov transferini rasman e’lon qilmagan bo‘lsa-da, uning klub sport direktori Chiki Begiristayn bilan tushgan surati tarmoqlarda tarqaldi.

O‘zbekistonlik 20 yoshli himoyachi shartnoma imzolash uchun Manchesterga yetib borgan. U bilan agenti G‘ayrat Xasbulindan tashqari, futbolchining vakili sifatida qozog‘istonlik Ulug‘bek Asanbayev ham borgan.

Meta-ratings.kz saytining qayd etishicha, shartnoma imzolash chog‘ida «Siti» bosh murabbiyi Pep Gvardiola ham ishtirok etgan. Aynan ispaniyalik murabbiy Husanovning transferini istagan.

Eslatib o‘tamiz, Husanov kuni kecha Manchesterda tibbiy ko‘rikdan o‘tgandi.

Tayyorlagan: Усмон Ибодов

#Manchester Siti #Abduqodir Husanov