Tegishli hujjatlari bo‘lmagan yarim mlrd so‘mlik dorini sotayotgan dorixona aniqlandi

Bosh prokuratura huzuridagi departamentning Surxondaryo viloyati boshqarmasi tomonidan tezkor tadbir o‘tkazilgan.

Unda, Denov tumanida faoliyat yurituvchi “E.O.” MChJga rahbari Sh.A. MChJ dorixonasida turli nomdagi sifatini tasdiqlovchi hujjatlari bo‘lmagan umumiy bahosi 575,4 mln so‘mlik jami 198,2 ming dona, shundan 1396 dona psixotrop, 900 dona kuchli ta’sir qiluvchi hamda 3146 dona yaroqlilik muddati o‘tgan dori vositalarini savdoga qo‘ygani aniqlanib, ushbu vositalar ashyoviy dalil sifatida olingan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.