66 mingdan ortiq holatda yerlarning o‘zboshimchalik bilan egallab olinishi aniqlandi

Kadastr agentligi xabar berishicha, o‘tgan 2024 yil mobaynida Kadastr agentligi tomonidan olib boriladigan yer va kadastr nazorati yo‘nalishida amalga oshirilgan tadbirlar natijasida 66 109 ta holatda 9 462,3 gektar yerlarning o‘zboshimchalik bilan egallab olish holatlari aniqlandi.

41 972 ta holatda 4 472,2 gektar yerda qonunbuzilish holatlari ixtiyoriy ravishda bartaraf etildi.

Shuningdek, 21 459 ta holatda 4 654,1 gektar yerga da’vo arizalari kiritildi. 5 561 ta (1 144,5 gektar) da’vo arizalari sudlar tomonidan qanoatlantirildi va majburiy ijroga qaratildi.

2 146 ta holatda jinoyat alomatlari bo‘lgan materiallar prokuratura organlariga yuborildi, 41 708 ta shaxsga yerga oid huquqbuzarliklar uchun ma’muriy jazo choralari qo‘llandi.