Tayvan Xitoyning yirik kompaniyasini sanoat josusligida ayblamoqda
Aniqlanishicha, mikroelektronika vositalarini ishlab chiqaruvchi SMIC kompaniyasi Samoada yuridik shaxs sifatida ro‘yxatdan o‘tib, Tayvanda shu’ba korxonasini ochgan.

Foto: AFP
Tayvan Adliya vazirligi tergov byurosi Xitoyning chiplar ishlab chiqarish bilan shug‘ullanuvchi SMIC kompaniyasiga qarshi o‘tkazilgan tergov to‘g‘risida ma’lumot berdi.
Qayd etilishicha, tergov 2024 yil dekabr oyida boshlangan va Xitoyning 10 ta kompaniyasini qamrab olgan. 2025 yil 18-27 mart kunlari byuroning 180 dan ortiq xodimlari 34 ta manzilda tintuvlar o‘tkazish va 90 kishini so‘roq qilishga jalb etilgan.
Tekshiruvlar davomida Xitoy kompaniyasi Samoada ro‘yxatdan o‘tgan yuridik shaxsdan foydalanib, Tayvanda xorij investitsiyasi niqobi ostida shu’ba korxona ochgan. Aslida esa ushbu sxemadan tayvanlik mutaxassislarni yollashda foydalanilgan.
Tayvan Xitoy kompaniyalariga orolda tadbirkorlik faoliyatini olib borishni, jumladan, hukumatning rasmiy ruxsatisiz mahalliy mutaxassislarni ishga yollashni taqiqlaydi. Ammo Xitoy texnologik kompaniyalari Tayvanda vakolatxonalar ochib, o‘zlarini xorij yoki mahalliy firma sifatida tanishtirgani bilan bog‘liq ko‘plab holatlar aniqlangan.
Ta’kidlanishicha, 2020 yildan beri Tayvan hukumati mahalliy mutaxassislarni noqonuniy ishga yollashga urinish bilan bog‘liq yuzlab Xitoy kompaniyalariga qarshi ish ochgan. Tahlilchilar fikricha, Xitoy kompaniyalari yarimo‘tkazgichlar ishlab chiqarish sohasida ilg‘or texnologiyalarni qo‘lga kiritishga urinmoqda, chunki Xitoy AQSh sanksiyalari sabab G‘arb va Tayvan texnologiyalaridan qonuniy yo‘l orqali foydalana olmaydi.
Tavsiya etamiz
Mask ketadi, DOGE ham o‘z faoliyatini to‘xtatadi – Tramp
Jahon | 18:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi
Jahon | 17:12 / 01.04.2025
Maktablarni to‘liq 5 kunlik o‘qish va ish rejimiga o‘tkazish taklif qilinmoqda
O‘zbekiston | 16:53 / 01.04.2025
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
So‘nggi yangiliklar
-
Chegara muammolari hal bo‘ldimi? Markaziy Osiyoning bugungi manzarasi – ekspertlar nigohida
Jahon | 18:24
-
Xitoyda kichik yadro batareyasini ishlab chiqarish yo‘lga qo‘yildi
Fan-texnika | 18:23
-
AQSh Senati Kanada tovarlariga bojlarni bekor qilish uchun ovoz berdi
Jahon | 18:21
-
NASA Oy bilan to‘qnashishi mumkin bo‘lgan 60 metrlik asteroidni namoyish etdi
Jahon | 18:18
Mavzuga oid

17:04
Xitoy va Yevropa Ittifoqi AQSh yangi boj tariflariga norozilik bildirdi

17:28 / 02.04.2025
SF Airlines aviakompaniyasi Toshkentga parvozlarni yo‘lga qo‘ydi

23:16 / 01.04.2025
Xitoyda birinchi marta operatorlarga uchar taksilardan foydalanishga ruxsat berildi

18:53 / 01.04.2025