Xitoy sudi yuzlab tirik timsohlarni onlayn auksionga qo‘ydi
Potensial xaridorlar sun’iy suv havzasiga ega bo‘lishi va jonzotlar yashashi uchun kerakli sharoitni yaratib bera olishi lozim.

Foto: Baidu
Xitoy sudi umumiy og‘irligi 100 tonnani tashkil etadigan yuzlab tirik timsohlarni kimoshdi savdolari orqali sotuvga chiqardi. Lotning boshlang‘ich narxi — 4 million yuan (550 ming dollar), deb xabar beradi South China Morning Post.
Shenjen xalq sudi yuzlab timsohlarni onlayn auksion doirasida sotuvga chiqarib, jamoatchilik e’tiboriga tushdi. Savdolar tashkilotchisi — Alibaba kompaniyasi.
Ma’lumotlarga ko‘ra, ushbu reptiliyalar avvaliga 2005 yilda Mo Tszyunrong tomonidan asos solingan Guangdong Hongyi Crocodile Industry Company kompaniyasiga tegishli bo‘lgan. Ammo kompaniya o‘zining moliyaviy majburiyatlarini bajarmaganidan keyin jonzotlar musodara qilingan.
Auksion saytida keltirilishicha, potensial xaridorlar sun’iy suv havzasiga ega bo‘lishi va jonzotlar yashashi uchun kerakli sharoitni yaratib bera olishi lozim. Bundan tashqari, qimmatbaho xaridni amalga oshirgan tomon logistika bo‘yicha barcha xarajatlarni, jumladan, timsohlarni tortish, transport vositasiga ortish, shuningdek, tashish uchun uchun ketadigan mablag‘larni qoplashi kerak.
Agar xaridor yuqoridagi talablarning birortasini bajarmasa, sud 300 ming yuan (41 ming dollar) miqdorida jarima belgilaydi.
Xitoyda timsohlar yuqori daromad keltiradigan jonzotlar hisoblanadi, chunki ulardan 100 dan ortiq mahsulot ishlab chiqarishda foydalaniladi. Mamlakatda timsohlar terisi, go‘shti uchun ko‘paytiriladi, shuningdek, ularga kosmetika va hatto vino ishlab chiqarishda ham talab yuqori. Sotuvga qo‘yilgan sudralib yuruvchilar — siam timsohlari bo‘lib, ular Xitoyda tijoriy maqsadlarda foydalanishga ruxsat berilgan yovvoyi hayvonlar ro‘yxatiga kiritilgan. Siam timsohlarining odatdagi og‘irligi 200 dan 500 kilogrammgacha bo‘ladi, shuning uchun 100 tonna og‘irlikdagi timsohlar soni taxminan 200 dan 500 donagacha bo‘lishi mumkin.
Hozirga qadar onlayn auksiondagi e’lonni 4 mingdan ortiq kishi ko‘rgan, ammo ularning hech biri ishtirok uchun ro‘yxatdan o‘tmagan. Ta’kidlanishicha, bu sudning timsohlarni auksion orqali sotishga bo‘lgan birinchi urinishi emas. 2025 yilning yanvar va fevral oylarida sud mos ravishda 5 million va 4 million yuanlik boshlang‘ich narx bilan ikki marta auksion tashkil etgan, biroq har ikkisi ham muvaffaqiyatsizlik bilan yakunlangan.
Tavsiya etamiz
Osiyo kubogi g‘oliblari tantanali kutib olindi - foto
Sport | 23:22 / 21.04.2025
“Gentra – qorong‘ilik timsoli” – Mirshakar Fayzulloyev
O‘zbekiston | 19:25 / 20.04.2025
AQShda bir oy ichida minglab talabalarning vizalari bekor qilindi
Jahon | 23:47 / 18.04.2025
Toshkent viloyatidagi ba’zi yo‘llarda ruxsat etilgan tezlik 80 km/soatgacha cheklandi
O‘zbekiston | 23:28 / 18.04.2025
So‘nggi yangiliklar
-
Rossiya tashqi ishlar vaziri Sergey Lavrov Samarqandga keldi
O‘zbekiston | 23:20 / 22.04.2025
-
Qozog‘istonda ota-onasi qaramog‘isiz qolgan bola O‘zbekistonga qaytarildi
Jamiyat | 23:14 / 22.04.2025
-
NASA zondi noodatiy shaklga ega asteroid suratlarini uzatdi
Jahon | 23:01 / 22.04.2025
-
AQSh London muzokaralarida Qrimni Rossiya hududi sifatida tan olishni taklif qiladi - WP
Jahon | 22:46 / 22.04.2025
Mavzuga oid

17:44 / 22.04.2025
Xitoyda korrupsiyaga qarshi kurashishga mas’ul amaldor pora olishda ayblanmoqda

00:22 / 22.04.2025
Xitoyda 9 yoshli qiz 25-qavatdan tushib ketib omon qoldi

09:43 / 21.04.2025
Xitoy o‘z manfaatlarini buzadigan davlatlarni qat’iy ogohlantirdi

07:45 / 21.04.2025