Isroil Germaniya TIVni HAMAS jangchilarini rag‘batlantirishda aybladi

Germaniya va Isroil tashqi ishlar vazirliklari TSAHALning G‘azo sektori shimolidagi HAMAS jangchilari yashiringan Al-Ahli kasalxonasiga bergan zarbasi yuzasidan bahs-munozaraga kirishdi. Idoralarning xabarlari 13 aprel, yakshanba kuni X ijtimoiy tarmog‘ida e’lon qilindi.

«Biz HAMASning shafqatsiz terroriga qarshi kurashishimiz kerak. Lekin xalqaro gumanitar huquq, aholi punktlarini himoya qilish bo‘yicha maxsus majburiyat ham amal qiladi. Qanday qilib shifoxonani 20 daqiqadan kamroq vaqt ichida evakuatsiya qilish mumkin?» — bu matn Germaniya tashqi ishlar vaziri Annalena Berbok va Germaniya tashqi ishlar vazirligining akkauntlarida nashr etilgan.

«G‘azoda doimiy o‘t ochishni to‘xtatishga erishish kerak. Garovga olinganlarni ozod qilish va insonparvarlik yordami to‘siqlarini ochish kerak. Aks holda, azob-uqubat, nafrat va ko‘chish yanada kuchayadi», — deyiladi bayonotda.

Isroil tashqi ishlar vazirligi matnga havola berdi hamda shunday izoh taqdim etdi: «Biz HAMASni fuqarolik infratuzilmasidan doimiy ravishda o‘z maqsadlari uchun foydalanishga undaydigan ritorika emas, balki shifoxonalardan foydalanishini aniq va qat’iy qoralash yuz berishini kutamiz». Isroil tomoni Berlin bayonotida «afsuski, yetishmagan» muhim faktlar qolib ketganini bildirdi.