Farg‘onada 2 gektar yer maydonini 1 mln dollarga sotmoqchi bo‘lgan shaxs qo‘lga olindi

Joriy yilning 14 aprel kuni IIV Tezkor qidiruv departamenti hamda Farg‘ona viloyati IIB xodimlari tomonidan o‘tkazilgan tezkor-qidiruv tadbiri davomida noqonuniy yer sotish bilan bog‘liq holatlar aniqlandi.

Qo‘qon shahrida yashovchi, 1996 yilda tug‘ilgan shaxs Dang‘ara tumanida joylashgan 5 gektar noturar yer maydonini va unga tutash bo‘lgan davlat zaxirasidagi 2 gektar bo‘sh yer maydonini kadastrda ishlovchi tanishlari orqali hujjatlashtirib berishni aytib, 450 ming AQSh dollariga sotishini ma’lum qilgan.

Uning vositachi sifatida yuborgan akasi kelishilgan pullardan 50 ming AQSh dollarini bo‘nak sifatida olayogan vaqtida ushlandi.

Farg‘ona shahrida o‘tkazilgan navbatdagi tadbirda esa 1992 yilda tug‘ilgan shaxs ushlandi. U MChJga tegishli 2 gektar yer maydonini 1 mln AQSh dollariga, ushbu yer maydoniga tutash bo‘lgan 50 sotix yerni tanishlari orqali 50 ming AQSh dollariga sotmoqchi bo‘lgan. Rasmiylashtirish ishlari uchun yana 50 ming AQSh dollari jami, 1,1 mln AQSh dollar talab qilgan.

Oldindan bo‘nak tariqasida 100 ming AQSh dollarini olayotgan vaqtida ashyoviy dalillar bilan ushlandi.