Saida Mirziyoyeva «Raqamli avlod qizlari» tanlovi g‘oliblarini tabrikladi

O‘zbekiston prezidenti yordamchisi Saida Mirziyoyeva «Raqamli avlod qizlari» tanlovida g‘olib chiqqanlarni tabrikladi.

 
«Raqamli avlod qizlari» tanlovi — ayollarni qo‘llab-quvvatlash va ular uchun rivojlanish imkoniyatlarini yaratish bo‘yicha Prezidentimiz olib borayotgan siyosatning yorqin namunasidir», deb yozdi Saida Mirziyoyeva.

O‘tgan besh yil ichida 7 mingdan ortiq qiz IT olamiga qadam qo‘ydi. Joriy yilda esa tanlov turli mamlakatlardan iqtidorli qizlarni birlashtirdi.

«G‘oliblarni chin qalbimdan tabriklayman va ularning yutuqlari katta zafarlarining boshlanishi bo‘lishiga ishonaman!» - deydi prezident yordamchisi.