Rossiyada migrantlarni robotlar bilan almashtirish taklif etildi

Rossiyaga migrantlarni moslashtirish markazlari kerak emas, buning o‘rniga davlat ishchi kuchi tanqisligini bartaraf etish uchun ishlab chiqarishni robotlashtirishga sarmoya kiritishi kerak. Bu haqda Rossiya Federatsiya Kengashining Mudofaa va xavfsizlik bo‘yicha qo‘mitasi raisi o‘rinbosari Sergey Muratov aytdi.

«Shaxsan sanoatchi sifatida bugungi kunda mablag‘ni avtomatlashtirish va robototexnikaga yo‘naltirgan bo‘lardim va chet el fuqarolarining moslashuv markazlarini yaratmagan bo‘lardim. Bu mamlakatni oldinga siljitgan bo‘lardi», dedi u.

Senatorning qayd etishicha, u migrantlarni moslashtirish dasturlari samaradorligiga shubha qiladi. Tez orada Kemerovo va Chelyabinsk viloyatlari, Tatariston, Yakutiya va Xabarovsk o‘lkasida migrantlarga rus tili va an’analarini o‘rgatish bo‘yicha tajriba markazlari ochiladi.

«Qanday qilib ma’lum bir vaqt ichida voyaga yetgan erkaklarni yoki katta yoshli ayollarni qayta tarbiyalash mumkin? Ular bizga qanday madaniyat va nima bilan kelayotgani aniq», dedi Muratov o‘z fikrini tushuntirmasdan.

«Robotlar kasal bo‘lmaydi, o‘zini yomon tutmaydi, ichmaydi, bezovta qilmaydi, zo‘rlamaydi», deb xulosa qildi u.