Mers Sini Ukrainada o‘t ochishni to‘xtatishga yordam berishga chaqirdi

Germaniya kansleri Fridrix Mers XXR raisi Si Jinpingni telefon orqali suhbatda Ukrainadagi urushni tugatish bo‘yicha xalqaro sa’y-harakatlarni qo‘llab-quvvatlashga chaqirdi, deya ma’lum qildi 23 may, juma kuni Germaniya hukumati matbuot kotibi Shtefan Kornelius.

Mers kansler lavozimiga kirishganidan keyin Si bilan birinchi telefon suhbatida unga Ukrainada «tezroq o‘t ochishni to‘xtatishga erishish» bo‘yicha «Yevropa va Qo‘shma Shtatlarning birgalikdagi sa’y-harakatlari» haqida gapirib berdi va Pekinni bu sa’y-harakatlarni qo‘llab-quvvatlashga chaqirdi, dedi Kornelius. Uning ta’kidlashicha, Mers va Si «global muammolarni hal etishda hamkorlik qilishga» tayyor ekanliklarini ta’kidladilar.

«Kansler va rais Si Germaniya va Xitoy o‘rtasidagi iqtisodiy munosabatlarning muhimligini ta’kidladilar», dedi Germaniya hukumati vakili va Fridrix Mers «halol raqobat va o‘zaro kelishuv muhimligini» alohida ta’kidlaganini qo‘shimcha qildi. Tomonlar «Germaniya-Xitoy hamkorligini yanada rivojlantirish maqsadida yaqin kelajakda to‘g‘ridan to‘g‘ri fikr almashishni davom ettirishga kelishib oldilar», deya qo‘shimcha qildi Shtefan Kornelius.