«ChatGPTʼdan diniy savollarga javob olish joiz emas» – O‘zbekiston musulmonlari idorasi
O‘zbekiston musulmonlari idorasi Fatvo markazi ulamolariga ko‘ra, inson omili tomonidan ishlab chiqilgan bir mahsulot, ya’ni sun’iy intellekt diniy savollarga to‘g‘ri javob berishga ojizlik qiladi. Shu sababli diniy masalalarda «biror narsani bilmay qolsa, o‘sha sohaning zikr ahlidan o‘rganish» lozim bo‘ladi.

Foto: Sun’iy intellekt yordamida yaratilgan rasm
O‘zbekiston musulmonlari idorasining Fatvo markazi «ChatGPT (sun’iy intellekt) orqali diniy savollarimizga javob olsak bo‘ladimi, shu javoblarga amal qilsak bo‘ladimi?» degan savol yuzasidan o‘z javobini e’lon qildi.
«Yo‘q, bu joiz emas. To‘g‘ri, ChatGPT platformasi ayrim sohalarda insonlarga foyda bermoqda. Ammo diniy savollarga to‘g‘ri javob berishga ojizlik qiladi. Chunki u ham inson omili tomonidan ishlab chiqilgan bir mahsulot. Qolaversa, ba’zan savollarga taxminiy javoblar, hatto bu masala falon kitobda bor deb, arabiy iboralar ham berishi mumkin. Lekin u keltirgan iboralar na u aytgan kitobda va na boshqa fiqhiy manbalarda uchramaydi. Shu bois shar’iy masalalarga ahli ilm, mutaxassislarga murojaat qilish orqali yechim topish darkor», deyiladi diniy idora mutaxassislarining javobida.
Diniy idora mas’ullarining aytishicha, musulmon odam biror narsani bilmay qolsa, uni o‘sha sohaning «zikr ahli»dan o‘rganishi lozim bo‘ladi.
«Alloh taolo oyati karimada «Agar bilmaydigan bo‘lsangiz, zikr ahlidan so‘rangiz!» (Anbiyo surasi, 7-oyat) deya marhamat qilgan. Musulmon odam biror narsani bilmay qolsa, uni biladigan kishidan, o‘sha sohaning «zikr ahli»dan o‘rganishi lozim bo‘ladi. Shunday ekan, e’tiqod va din-u diyonatga tegishli narsalarni ham shu sohaning bilimdonlaridan so‘rash talab etiladi», deyiladi O‘zbekiston musulmonlari idorasi Fatvo markazi bayonotida.
Tavsiya etamiz
Tramp bilan urushib qolgan Mask yangi partiya tuzmoqda
Jahon | 15:19 / 06.07.2025
Olti muloqot, natija nol. Ukraina yolg‘iz qoladimi?
Jahon | 13:10 / 06.07.2025
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
So‘nggi yangiliklar
-
Beruniy tumani hokimi o‘rinbosari 12 ming dollar bilan ushlandi
O‘zbekiston | 21:49
-
Rossiya dronlari yana Ukrainadagi harbiy komissariatlarga hujum qilmoqda
Jahon | 21:45
-
AQSh «Hay’at Tahrir ash-Shom» guruhidan terrorchi tashkilot maqomini olib tashladi
Jahon | 21:42
-
Sergeli city'ning ayrim bloklarida qurilish ishlari to‘xtatildi
O‘zbekiston | 21:26
Mavzuga oid

17:51 / 04.07.2025
Hikmatilla Ubaydullayev Markaziy Osiyo sun’iy intellekt assotsiatsiyasi ijrochi direktori v.b. etib tayinlandi

20:23 / 02.07.2025
Rossiyada sun’iy intellekt yo‘qolgan bolalarni topishda yordam berdi

23:55 / 01.07.2025
Microsoftʼning yangi sun’iy intellekti tashxislarni shifokorlardan to‘rt marta aniqroq qo‘ymoqda

22:57 / 30.06.2025