Gretsiyada bolalarni tamaki olib kelishga yuborganlarni jinoiy javobgarlikka tortish boshlanadi

Gretsiyada ilk bor tamaki yoki alkogol mahsulotini voyaga yetmagan shaxslarga sotganlik uchun jinoiy javobgarlik belgilanadi. Hukumat juma kuni kattalarning bolalar va o‘smirlarni sigaret sotib olishga jo‘natilishi kabi odatiy amaliyotga chek qo‘yadigan qonun loyihasini e’lon qiladi.

Gretsiya sog‘liqni saqlash vaziri Adonis Georgiadesning tushuntirishicha, tashabbus yoshlarni zararli odatlardan himoya qilish maqsadida amalga oshirilmoqda.

«Juma kunidan boshlab, qonun loyihasi e’lon qilingach, biz voyaga yetmaganlarga alkogol va tamaki mahsulotlarini sotish bilan bog‘liq nayranglardan voz kechamiz hamda barcha tamaki do‘konlarida shaxsni tasdiqlovchi hujjat ko‘rsatishni majburiy talab sifatida joriy qilamiz», — deydi vazir.

Tayyorlanayotgan qonun loyihasi voyaga yetmaganlarga qasddan spirtli ichimliklar bergan barmen va ofitsiantlarga nisbatan qattiq jazo choralari ko‘rilishini nazarda tutadi (16 yoshgacha bo‘lgan greklarning 92 foizi muassasalarda alkogolni osonlik bilan olish mumkinligini ma’lum qilgan).

Yevrokomissiya va ayrim YeIga a’zo davlatlar tamaki mahsulotlariga soliqlarni oshirish, shunga mos ravishda narxlarni ko‘tarishga intilayotgan bir paytda, Afinada yoshlar orasida zararli odatlarni yo‘qotishga qaratilgan jiddiy qadamni tashladi. Agar bu amalga oshsa, Gretsiyada bir quti tamaki narxi 6–7 yevrogacha yetishi mumkin.

«E’tiborli jihati, hozircha Afina narxning bunday keskin oshishiga qarshi, bu iqtisodiy salbiy oqibatlar va kontrabanda rivojlanishiga olib kelishi mumkin», — deyiladi xabarda.