Putin va Tramp nimani xohlaydi va nimani muhokama qilishga tayyor?

Rossiya

Rasmiy pozitsiya. O‘t ochishni to‘xtatish — faqat mojaroning «dastlabki sabablari bartaraf etilgach». Ukrainaning to‘rt regioni va Qrim Rossiyaniki deb tan olinishi kerak. Sanksiyalar bekor qilinishi kerak. Ukraina NATO a’zosi bo‘lishdan voz kechishi lozim.

Norasmiysi. Agar Ukraina qurolli kuchlari Donbassdan ketadigan bo‘lsa, mojaroni to‘liq muzlatishga tayyor. Qo‘shimcha shartlarsiz havoda sulh tuzishni muhokama qilishga ham.

AQSh

Rasmiy pozitsiya. Asosiy maqsad — zudlik bilan o‘t ochishni to‘xtatish. Putin va Zelenskiyni «uchrashtirish». Agar Putin o‘t ochishni to‘xtatmasa, Rossiyani yangi sanksiyalar kutmoqda. Ukrainaning «bo‘linishi» muhokama etilmaydi. Uchrashuvdan umidlar — katta emas.

Norasmiysi. O‘t ochishni to‘xtatish evaziga Rossiya egallab olgan hududlarni tan olish va sanksiyalarni bekor qilishga tayyor — ammo Ukraina NATO a’zosi bo‘lmasligiga kafolat berilmaydi. Yuridik jihatdan tan olmasdan, Rossiyaning ishg‘ol etilgan hududlar ustidan harbiy va iqtisodiy nazoratiga ko‘z yumiladi.