Tramp dastlab Zelenskiy bilan, keyin YeI yetakchilari bilan uchrashadi

AQShga Volodimir Zelenskiy bilan birga Fridrix Mers, Kir Starmer, Emmanuel Makron, Jorja Meloni, Aleksandr Stubb, Ursula fon der Lyayyen va Mark Ryuttelar borishi ma’lum qilingan.

Foto: Reuters

AQSh prezidenti Donald Tramp 18 avgust kuni Vashingtonda dastlab Volodimir Zelenskiy bilan yakkama-yakka suhbatlashadi. Bu haqda o‘z manbalariga tayanib Bild nashri xabar berdi.

"Tramp dastlab faqat Ukraina prezidentini qabul qiladi. Shundan so‘ng ularning suhbatiga YeI siyosatchilari qo‘shiladi", - deb yozadi nashr.

Gazetaning ma’lumot berishicha, kengaytirilgan tarkibda tushlik va muhokamalar o‘tkazilishi rejalashtirilgan.

Dushanba kuni Zelenskiy Vashingtonga tashrif buyuradi. AQShga u bilan birga Germaniya kansleri Fridrix Mers, Buyuk Britaniya bosh vaziri Kir Starmer, Fransiya prezidenti Emmanuel Makron, Italiya bosh vaziri Jorja Meloni, Finlandiya prezidenti Aleksandr Stubb, Yevrokomissiya rahbari Ursula fon der Lyayyen va NATO bosh kotibi Mark Ryutte borishi ma’lum qilingan.

#Donald Tramp #Volodimir Zelenskiy