Трамп дастлаб Зеленский билан, кейин ЕИ етакчилари билан учрашади

АҚШга Володимир Зеленский билан бирга Фридрих Мерц, Кир Стармер, Эммануэл Макрон, Жоржа Мелони, Александр Стубб, Урсула фон дер Ляйен ва Марк Рюттелар бориши маълум қилинган.

Фото: Reuters

АҚШ президенти Доналд Трамп 18 август куни Вашингтонда дастлаб Володимир Зеленский билан яккама-якка суҳбатлашади. Бу ҳақда ўз манбаларига таяниб Bild нашри хабар берди.

"Трамп дастлаб фақат Украина президентини қабул қилади. Шундан сўнг уларнинг суҳбатига ЕИ сиёсатчилари қўшилади", - деб ёзади нашр.

Газетанинг маълумот беришича, кенгайтирилган таркибда тушлик ва муҳокамалар ўтказилиши режалаштирилган.

Душанба куни Зеленский Вашингтонга ташриф буюради. АҚШга у билан бирга Германия канцлери Фридрих Мерц, Буюк Британия бош вазири Кир Стармер, Франция президенти Эммануэл Макрон, Италия бош вазири Жоржа Мелони, Финландия президенти Александр Стубб, Еврокомиссия раҳбари Урсула фон дер Ляйен ва НАТО бош котиби Марк Рютте бориши маълум қилинган.

#Доналд Трамп #Володимир Зеленский